SoliHotnewS

REST IN PEACE JANUARI 2015

Shikamoo Januari, kwa heri Januari, tangulia Januari. Nakumbuka sana siku ulipoingia, tulikuwa nje tunakusubiri kwa hamu, na ulipofika tukaripuka kwa furaha kubwa, tukapiga miluzi, madebe, na kukumbatiana, bila kujali umemkumbatia nani, mimi mwenyewe kwa mara ya kwanza nilimkumbatia mama mwenye nyumba wangu na tukapeana pongeza kubwa, na kutakiana heri ya mwaka mpya wenye furaha.

Nilimkumbatia jirani yangu, baadaye nikamkumbatia mke wake ambaye siku nyingi nilikuwa natamani kukumbatiana naye, siku hiyo nilimkumbatia sana tu, na mumewe alikuwepo akifurahia kitendo kile na kuniambia ‘Jirani tumeuona mwaka mpya, tupendane zaidi jirani.’ Mangi naye akanikumbatia japo ananidai  vitu nilivyokopa dukani kwake, na ana maneno huyo hata njia nilikuwa nimebadili ili nikwepe duka lake, siku ile naye alinikumbatia kwa undugu.

Wakati huohuo, wengine wakawa wanatuma ujumbe wa pongezi kwenye simu kwa wake zao, wake maboresho, wake academia, michepuko, michepuko maboresho, michepuko academia, basi raha tupu. Tarehe moja Januari ilikuwa kula na kunywa kufurahia mwaka mpya. Nakumbuka nilipita nyumba tatu na kote nikakuta chakula kingi nikala vizuri na kunywa sana tu, kwa kweli sikumbuki nilirudi vipi nyumbani. 
 Lakini kuanzia Januari mbili ndipo nikaanza kujua huyu mgeni niliyemfurahia kumbe hafai hata kulumangia chai. Furaha yote ilianza kuisha taratibu. Nikiwa bado nimelala chumbani kwangu saa kumi na mbili asubuhi nilikurupishwa na mtu anagonga mlango utadhani kaununua mwenyewe, nikauliza kwa ukali, “Nani jamani?”

Nilipofungua mlango, kumbe kweli aliyegonga ule mlango ndiye aliyeununua, alikuwa mama mwenye nyumba. Ile kuufungua nikamkuta katoa macho, mkali utadhani siyo yule tuliyekumbatiana kwa furaha juzi tu. Bila salamu akaanza: “We leo tarehe ngapi?” Nikajibu. “Tarehe mbili.” “Haya kodi yangu iko wapi? Uliniambia utanipa tarehe moja, sitaki utani nipe kodi au hama humu ndani.”

Mfukoni sikuwa hata na senti tano, na nilikuwa nimejaribu kukopa, kila niliyemwendea alikuwa analalamika, ‘Januari hii mwanangu sijui pesa imeenda wapi’. Hata yule ambaye sikuwahi kusikia ana mtoto, naye alinijibu, ‘Ndugu yangu Januari hii, nimebanwa watoto wanahitaji ada, madaftari na yunifom sina kitu kabisaa.’

Bila hata kufikiri nikaahidi kwa mama mwenye nyumba kuwa nitajitahidi kumlipa siku hiyo jioni. Unajua mama mwenye nyumba anatisha jamani, akiwa anakudai kodi unakuwa mpole kupindukia. Nilitoa ahadi hata sikujua nitapata wapi fedha ya kodi.

Siku ile jioni ilipofika nilikuwa mtaa wa pili najishauri jinsi ya kuingia kwenye chumba changu. Tatizo ni kuwa ikifika Januari wenye nyumba wanapenda sana kukaa karibu na mlango wa mbele wa kuingilia na kusababisha ugumu wa mtu kuingia kwenye chumba chake bila kuonekana.

Nilijikongoja mpaka uchochoro wa nyumba ya pili toka kwetu nikawa nasubiri akitoka tu nijitome ndani spidi kwenye chumba changu. Nikabahatisha, alitoka kidogo nikapenya huyoo mpaka kwangu, nikajifungia kimyaaa. Hakuna kuwasha TV wala taa, saa moja tu nikaingia kwenye shuka na kutulia hata 
 sikujigeuza maana kitanda kingelia, mbu utafikiri walijua kuwa sitakiwi kujitingisha acha waanze kunishughulikia. Huko nje nikawa namsikia mama mwenye nyumba anauliza:

“Huyu mshenzi hajarudi bado? Ngoja arudi leo atanijua mi nani? Atabeba vitanda vyake usiku huu huu. Katoka kwao Iringa huko akajua anakuja kaa bure huku? Atanijua mi nani leo.”
Nikakumbuka simu, nikaitoa na kuitega kwenye vibrashen isije ikalia, si, unajua Mchina alivyo na kelele. 
 Wale niliowatakia heri wakati wa mwaka mpya nao si wakaanza kutuma mesej wanaomba hela na baadhi wanadai zawadi zilizowaahidi.

Mpaka sasa sijui ilikuwaje nikajikuta nimelipa kodi ya chumba. Pa kulala ninapo ila kula sasa, daa Januari shikamoo lakini katokomee salama.

REST IN PEACE JANUARI 2015

Shikamoo Januari, kwa heri Januari, tangulia Januari. Nakumbuka sana siku ulipoingia, tulikuwa nje tunakusubiri kwa hamu, na ulipofika tu...

8:05 AM

MKITOKA UGOMVINI, KUWA MWANGALIFU KUSAMEHE

KUNA mambo mengi yanatokea katika hii dunia, ambayo wakati mwingine yanatulazimisha kuzungumza na watu wetu ili kuwapa kile kidogo tunachokijua, tukiamini mchango wa mawazo yetu unaweza angalau kuongeza wigo wa ufahamu juu ya kitu kinachosababishwa na mapenzi.

Kupitia vyombo vya habari, yakiwemo magazeti redio na televisheni, tutakuwa tunaona na kusikia kuhusu wapendwa wetu wanavyopoteza maisha kutokana na mapenzi. Juzi, nilikuwa napitia habari moja hivi kutoka Tarime kule Mara, ikaniuma sana. Mdada mmoja alipigwa na mumewe na kupewa majeraha makubwa sana, eti tu kwa sababu alichelewa kupata ujauzito.

Lakini kama kuna tukio liliniharibia siku katika mwezi huu wa kwanza wa mwaka, basi ni ile ishu ya jamaa aliyemchinja mkewe pale hotelini Manzese jijini Dar es Salaam. Ninajaribu kulizungumzia suala hili ili likusaidie katika maisha yako ya kimapenzi kwa sababu ninaliona ni tukio linalojirudia kati ya wapenzi wa kada mbalimbali.

Jamaa alikuwa hana maelewano mazuri na mke wake, wakiishi kwa migogoro isiyokwisha, kiasi kwamba mwanamke akaamua kuondoka nyumbani kwao na kwenda kwa kaka yake, angalau akapumzike kwa muda. Ni vigumu kidogo kujua chanzo cha ugomvi wao, lakini tunaelezwa kuwa baada ya mama kuondoka, baba alimfuata na kumtaka wasahau tofauti zao, warejee katika uhusiano wao kama zamani.

Kinachoonekana ni kwamba mume hakuwa na dhamira ya kusamehe, kwani baada ya mwenzake kumwelewa vizuri, akakubali kuandamana hotelini ambako walikubaliana wakakae na kuzungumza yao. Matokeo yake, akatumia kisu alichokuwa nacho na kumuua mwenzake kikatili.

Orodha ya watu wanaopoteza maisha kwa sababu ya wivu wa mapenzi ni ndefu sana na kila wahusika, wana simulizi tofauti na mwingine ingawa zote ni za aina moja. Nataka nizungumzie hili la kugombana, mkafikia sehemu ya kununiana, kuhama nyumba au chumba na baadaye kurejeana.

Kwanza kabisa ieleweke kuwa ugomvi baina ya wanandoa au walio katika uhusiano ni jambo la kawaida kabisa. Sitaki kujiongopea au kukupa nafasi ya kuwaongopea wengine kuwa hili ni jambo jipya. Kila siku, sehemu fulani kuna wanandoa wanazozana, wanapigana, wanatengana na kadhalika. Tatizo linalotutofautisha kati yetu sisi na wao ni namna tunavyoumaliza ugomvi wetu.

Kuna watu hawamalizi wiki bila kuzozana ndani ya nyumba yao, lakini wakiwa nje, hakuna mtu anayefahamu kilichotokea. Unaweza kuwa shahidi kuwa umeshawahi kusikia mara nyingi juu ya ugomvi wa watu ambao siku zote uliamini wanapendana sana.

Ugomvi unaomalizika kwa mmoja kuondoka ndani ya nyumba, ni wazi kwamba umefikia kiwango ambacho hakivumiliki. Mtu anaona ni bora aondoke kidogo ili kupoza hasira iliyopo, kutuliza hali ya hewa au kutoa nafasi kwa watu zaidi kushiriki katika kutafuta suluhisho la ugomvi huo.

Sasa katika ugomvi kama huo, mambo mengi yanakuwa yamefanyika baina ya wanandoa. Kitendo cha kuondoka nyumbani kinaleta tafsiri tofauti kwa anayebaki, wengi wanafikiri kuhusu kutolewa kwa siri zao nje. Huamini kwamba huko walikoenda, wanazungumza kuhusu udhaifu wao, kitu ambacho wengi hawapendi.
 Ninachotaka kusisitiza ni kwamba sisi tunajua tunapogombana, nani anakuwa amekosea na nini suluhisho lake. Tunajua kwa namna gani mwenza wetu ameumia au amekwazwa.

Jambo la muhimu 
 tusimuamini mara moja, mtu ambaye siku chache nyuma, alitishia kutoa uhai wetu anapokuja kuomba tumalize tofauti zetu kirahisi.

MKITOKA UGOMVINI, KUWA MWANGALIFU KUSAMEHE

KUNA mambo mengi yanatokea katika hii dunia, ambayo wakati mwingine yanatulazimisha kuzungumza na watu wetu ili kuwapa kile kidogo tunach...

7:56 AM

Enjoy movies

Enjoy movies

6:29 PM

URAIS 2015: JANUARI VS MWIGULU NGOMA NZITO!

<a class="xj_expandable" href="http://www.globalpublishers.info/profiles/blogs/urais-2015-januari-vs-mwigulu-ngoma-nzito"><div style="text-align: left;">
 
</div>
</a><div style="text-align: center;">
<a class="xj_expandable" href="http://www.globalpublishers.info/profiles/blogs/urais-2015-januari-vs-mwigulu-ngoma-nzito"></a><a href="http://api.ning.com/files/FkLMylrJqnXaNFbfM9JiPq8E6ZcrhtTwTjVNhgBC*90TTS*hg*a2BGTYCJcP8b*50Bsr5OQTxEnkirGEfjKUGW7waAyQ69Sx/IMG_8980.jpg" target="_self"><img class="align-center" src="http://api.ning.com/files/FkLMylrJqnXaNFbfM9JiPq8E6ZcrhtTwTjVNhgBC*90TTS*hg*a2BGTYCJcP8b*50Bsr5OQTxEnkirGEfjKUGW7waAyQ69Sx/IMG_8980.jpg" width="650" /></a>Naibu Waziri wa Mawasiliano Sayansi na Teknolojia, January Makamba (41).</div>
HOMA ya Uchaguzi Mkuu 2015 inazidi kupanda. Wapo baadhi ya wagombea wa urais ambao tayari wameshatangaza nia hadharani lakini wengine wanaendeleza harakati zao chini kwa chini. Miongoni mwa makada ambao tayari wameonesha nia ya kutaka kugombea ni pamoja na vijana, Naibu Waziri wa Fedha, Mwigulu Nchemba (40) na Naibu Waziri wa Mawasiliano Sayansi na Teknolojia, January Makamba (41). 
Mwigulu ambaye ni Mbunge wa Iramba Magharibi mkoani Singida, amekuwa na mvuto wa aina yake kisiasa huku akionekana kupendwa zaidi kutokana na kujiwekea nembo yake kwenye mavazi anayovaa kwa kujifunga skafu ya bendera ya taifa. 
Mbali na mvuto, Mwigulu tayari alishaanza mizunguko katika majimbo mbalimbali nchini na kuanza kupiga kampeni za ‘kiaina’ ambapo ameonekana kukubalika katika maeneo mbalimbali aliyopita ikiwemo Tanga na Morogoro kabla ya kupigwa ‘stop’ na Katibu Mkuu wa CCM, Abdulrahman  Kinana. 
Kuonesha kwamba amejipanga, Mwigulu ambaye pia ni Naibu Katibu Mkuu wa CCM Bara, alizua gumzo zaidi alipokuwa akitumia usafiri wa helkopta katika ziara zake ambazo zilikuwa zikitoa taswira kwamba kweli anakubalika na wengi. 
Kwa upande wake Makamba, Mbunge wa Bumbuli, alionesha nia mapema na kuwafanya vijana wengi wampe sapoti katika harakati zake za urais. 
<div style="text-align: left;">
Umaarufu wa Makamba pia unachagizwa zaidi ya umaarufu na misimamo aliyokuwa nayo baba yake, aliyekuwa Mkuu wa Mkoa wa Dar na Katibu Mkuu wa CCM, Yusuf Makamba ambaye alikuwa akifanya mambo mengi ya maendeleo na kukemea matatizo mbalimbali nchini.</div>
<div style="text-align: center;">
<a href="http://api.ning.com/files/FkLMylrJqnWOTwAFq12jEHtVzhbuVaL-aWSeo3YU8o43VpimbJBvw85SBEr0eUNPrPJ8rtdXrH31rT7OQwfSS1rrN4AsSPDp/H22A3333.jpg" target="_self"><img class="align-center" src="http://api.ning.com/files/FkLMylrJqnWOTwAFq12jEHtVzhbuVaL-aWSeo3YU8o43VpimbJBvw85SBEr0eUNPrPJ8rtdXrH31rT7OQwfSS1rrN4AsSPDp/H22A3333.jpg" width="650" /></a>Naibu Waziri wa Fedha, Mwigulu Nchemba (40).</div>
Mbali na mvuto wa uongozi, Makamba amezua gumzo zaidi baada ya kutoa kitabu chake ambacho kinaelezea mikakati ya kuwania nafasi ya urais. 
Mwigulu na Makamba wanazua msuguano mzito kutokana na kigezo cha ujana ambacho kinawabeba, hali ambayo imewafanya wananchi wanaoamini katika falsafa ya viongozi vijana kushindwa kupata jibu la moja kwa moja juu ya nani atapendeza kupitishwa na chama. 
Ukiachana na kigezo hicho, vijana hao ni wasomi. Mwigulu ana ya Shahada ya Uzamili ya Uchumi, Shahada ya Uchumi na Cheti cha Uongozi ambapo masomo yake amehitimu Chuo Kikuu cha Dar. Makamba yeye ana Shahada ya Uzamili ya Diplomasia na Usuluhishi wa Migogoro, Shahada ya Diplomasia na Usuluhishi wa Migogoro ambazo amehitimishia katika Chuo cha George Mason, Marekani. 
Wote wawili wana uzoefu mkubwa ndani ya chama. Mwigulu kabla ya kuwa Naibu Waziri wa Fedha mwaka jana, amekitumikia chama tangu hatua ya mkoa, Halmashauri Kuu ya Taifa (NEC) na Umoja wa Vijana (UV-CCM) nafasi ambazo anazitumikia hadi sasa. 
Makamba naye vivyo hivyo, ana uzoefu wa kutosha chamani kuanzia ngazi ya afisa wa mambo ya nje chini ya Rais Jakaya Kikwete ambaye pia alizunguka naye nchi nzima katika kampeni zake mwaka 2005. Swali la kwamba nani ataibuka kidedea kuwakilisha nafasi ya ugombea kupitia chama chao ndilo ambalo linaleta utata kutokana na sifa za kila mmoja, tusikilizie hadi Machi, mwaka huu pale atakapotangazwa rasmi.

URAIS 2015: JANUARI VS MWIGULU NGOMA NZITO!

Naibu Waziri wa Mawasiliano Sayansi na Teknolojia, January Makamba (41). HOMA ya Uchaguzi Mkuu 2015 inazidi kupanda. Wapo baadhi ya wa...

8:19 AM

UNAMPENDA, UNATAKA NDOA

<a class="xj_expandable" href="http://www.globalpublishers.info/profiles/blogs/unampenda-unataka-ndoa"><div style="text-align: left;">
 
</div>
</a><a class="xj_expandable" href="http://www.globalpublishers.info/profiles/blogs/unampenda-unataka-ndoa"></a><a href="http://api.ning.com/files/FkLMylrJqnUvpS6-g7MUUOr-nOKfvG55Ikc*E6rDoy71eEDggHkxff6yET--HzPpIOvc8-5bNISaP3vwtvK9A6U292PnOSdV/youngcoupletalkinginsuranceplanfinance001.jpg" target="_self"><img class="align-center" src="http://api.ning.com/files/FkLMylrJqnUvpS6-g7MUUOr-nOKfvG55Ikc*E6rDoy71eEDggHkxff6yET--HzPpIOvc8-5bNISaP3vwtvK9A6U292PnOSdV/youngcoupletalkinginsuranceplanfinance001.jpg" width="650" /></a>Ni wiki nyingine ambapo Mwenyezi Mungu ametujaalia kukutana katika busati letu la mahaba kujadiliana mambo mbalimbali yanayohusu uhusiano wa kimapenzi. Ni matumaini yangu kuwa mada ya wiki iliyopita ilikuingia vizuri na sasa unayafanyia kazi yale tuliyojadiliana. 
Karibu tena tujadiliane kuhusu mada ya leo kama inavyojieleza; unampenda na unataka kumuoa lakini hujui pa kuanzia, unapaswa kufanya nini? 
Maendeleo ya teknolojia yamebadilisha mambo mengi katika maisha yetu ya kila siku. Zamani ilikuwa kama kuna mwanamke au mwanaume unampenda, basi lazima uhangaike sana mpaka utakapopata nafasi ya kuzungumza naye, na kama huna ujasiri wa kumtongoza ana kwa ana basi ndiyo umemkosa. Siku hizi mambo yamebadilika sana. Ukitokea kumpenda mtu fulani kama kweli nia yako ni kuingia naye kwenye ndoa na siyo kukidhi matamanio ya siku moja, zipo mbinu nyingi zinazoweza kukurahishia kazi yako. Kuna simu za mikononi, kuna mitandao ya kijamii na njia chungu nzima hivyo huna haja ya kuendelea kuumia na upweke. 
Kumbuka kuwa penzi bora ni lile ambalo wawili huanza kwa kuwa marafiki, ni makosa kukurupuka kumtongoza mtu kwenye simu au kwenye mitandao ya kijamii bila kumvuta kwanza karibu yako na kumfanya kuwa rafiki yako. 
Hatua ya kwanza, kama nilivyosema hapo juu ni kujitahidi kujenga ukaribu naye. Kama unadhani ni vigumu kwa wewe na yeye kukutana ana kwa ana, unaweza kutafuta namba yake ya simu. Ukishapata namba ya simu ya huyo umpendaye, tafuta muda ambao utakuwa umetulia kisha mpigie na jitambulishe. Mweleze kwamba umempigia simu kumjulia hali, kama akikuuliza mahali ulikoipata namba yake, unaweza kumjibu vyovyote lakini inashauriwa kuwa siyo vizuri kumtajia aliyekupa namba yake kwa sababu unaweza kuwagombanisha.<a href="http://images.fineartamerica.com/images-medium-large/sensual-portrait-of-a-young-couple-on-the-beach-oleksiy-maksymenko.jpg" target="_blank"><img class="align-center" src="http://images.fineartamerica.com/images-medium-large/sensual-portrait-of-a-young-couple-on-the-beach-oleksiy-maksymenko.jpg?width=650" width="650" /></a> 
Usiwe na papara, mtakie siku njema na endelea na shughuli zako nyingine. Unaweza pia kuendelea kumtumia meseji za kawaida (siyo za mapenzi), ukimjulia hali, ukimuuliza kama ameshakula au amekula chakula gani, anafanya nini kwa muda huo na vitu anavyovipenda sambamba na vile asivyovipenda. 
Endelea hivyo kwa muda, siri kubwa ambayo huijui ni kwamba watu wengi, hasa wanawake huwa wanapenda kujua kuwa mtu fulani anamjali kwa kumuuliza mambo mbalimbali yanayohusu maisha yake ya kawaida. Jitahidi kuwa mcheshi lakini usizidishe masihara. Ukishafanikiwa kumvuta karibu yako na kumfanya aamini kwamba huwa unamfikiria mara kwa mara, sasa unaweza kupiga hatua moja mbele kwa kufanya yafuatayo: 
Tumia sauti ya utulivu yenye hisia ndani yake, utazidi kumvuta karibu yako. Usipende kuzungumza kwa sauti ya juu au kupayuka au kupiga simu ukiwa kwenye kelele. Akipokea tu simu yako, mjulie hali yake kisha msifie kidogo kuhusu sauti yake na namna anavyozungumza. Msimulie kidogo kuhusu siku yako inavyokwenda, tumia maneno machache lakini yatakayomfanya asiboreke kukusikiliza. Ifanye stori yako iwe ya kuvutia kwa kutumia maneno matamu yatakayomfurahisha na kumfanya aache kila anachokifanya na kukusikiliza. 
Badili mazungumzo, muulize kama anajua kwamba yeye ni mzuri sana na hujawahi kukutana na mtu anayevutia kama yeye. Kama wewe ni mwanaume na unayezungumza naye ni mwanamke, utakuwa katika nafasi nzuri ya ‘kum-win’ kwa sababu wanawake wengi wanapenda sana kusifiwa. 
Akiwa amekolea na sifa unazommwagia, mweleze kwamba unavutiwa naye na unatamani kuwa na mpenzi anayefanana naye. Zungumza naye kwamba atakapokubali kuwa na wewe, utamtunza na kumlea kama malkia, mweleze malengo yako ya baadaye katika uhusiano wenu endapo atakukubalia. 
Usimpe nafasi ya kukwambia kama amekubali au amekataa bali hitimisha mazungumzo yenu kwa kumtakia siku njema au kazi njema. Bila shaka utamuacha akiwa na shauku kubwa ya kuendelea kusikiliza ‘mistari’ yako. Endelea kuwasiliana naye kwa mambo ya kawaida huku ukimpima kama yale uliyomwambia anayachukuliaje. Kama naye amekupenda, utaanza kuona mabadiliko kuanzia meseji atakazokuwa anakutumia.

UNAMPENDA, UNATAKA NDOA

Ni wiki nyingine ambapo Mwenyezi Mungu ametujaalia kukutana katika busati letu la mahaba kujadiliana mambo mbalimbali yanayohusu uhusian...

8:13 AM

KIFO CHA MFALME ABDULLAH: NI UKUMBUSHO TOSHA MALI SI LOLOTE MBELE YA MUNGU!

Aliyebebwa na kisha kulazwa hapa ni Mfalme Abdullah wa Saudia. Aliswaliwa na kuzikwa huko Riyadh mapema wiki hii.
 Kuna mengi tunajifunza kwa kifo cha Mfalme huyu wa Duniani, Allah ampe kheri na jazaa huko akhera , ameen.

Mfalme ambaye alikua na utajiri usomithilika, alikua na nguvu za kusema kile nataka hiki sitaki, alikua na uwezo mkubwa, lakini yote haya ulifika muda ikawa ni mwisho wake. Mwisho wa maamuzi. Hata akivuliwa nguo alositiriwa hana uwezo wa kukemea au kujisitiri tena.

Je, umauti hauwi sababu ya sisi kurudi kwa Mola wetu? Ewe mwenye mamlaka ya ulipo, kipi kinakupa kibri na jeuri hata unamkufuru Mungu muumba wa mbingu na ardhi, alokuumba wewe tokea tone la manii?
 Mfalme amezikwa na ulimwengu umeshuhudia mazishi yake yalivyokua yakawaida kabisa, kaburi lake pia ni la kawaida mno, kaburi kama ulionavyo halijajengewa na halitajengewa.

Kaburini ni wewe na Malaika wa Allah tuu. Hapo ni matendo yako mema ndio yatakayokupa unafuu sana. Jaalia wewe ndie ulielazwa pale, jee una matendo gani ya kukuepusha na adhabu za Allah. Jee uliyoyafanya juu ya mgongo wa ardhi yatakueka mbali au kukukurubisha na moto wa Jahannam?

Hakika mauti ni glasi yenye kinywaji na kila nafsi itakunywa kinywaji hicho, hakika mauti ni mawaidha, tunatakiwa tuwaidhike nayo. Hakika mauti ni mlango, na kila mtu ataupita mlango huo. Kiukweli mauti ina majina mengi sana. Na kila jina linajitosheleza nalo. Tudumisheni matendo mema ili Allah S.W atulipe mema.

ENZI Z UHAI WAKE ALIHESHIMIKA NA VIONGOZI WAKUBWA WA DUNIA
...akiwa na Rais wa Marekani, Barack Obama

...akisalimiana na Waziri Mkuu wa Uingereza, David Cameron

...akiongea na Rais wa Syria, Bashar al-Assad

Allah anatwambia...
 "Mali zoote mulizonazo ni mali zangu, na Pepo ni Pepo yangu, na nyinyi ni waja wangu, enyi waja wangu, inunueni Pepo yangu kwa mali zangu"
 Je, nini tupewe kama Allah anataka tuinunue Pepo yake kwa mali zake?

Yaa Raaby tujaalie mwisho mwema...Ameen

Story: Ustaadh Ammar Ruweih

KIFO CHA MFALME ABDULLAH: NI UKUMBUSHO TOSHA MALI SI LOLOTE MBELE YA MUNGU!

Aliyebebwa na kisha kulazwa hapa ni Mfalme Abdullah wa Saudia. Aliswaliwa na kuzikwa huko Riyadh mapema wiki hii. Kuna mengi tunajifunz...

8:15 PM

R. KELLY - HAPPY BIRTHDAY (OFFICIAL MUSIC VIDEO)

R. KELLY - HAPPY BIRTHDAY (OFFICIAL MUSIC VIDEO)

8:13 PM

MWAKA HUO UNAANZA KUSOGEA, UNAENDELEA KUISHI KWENYE PENZI LA GIZA?

<a class="xj_expandable" href="http://www.globalpublishers.info/profiles/blogs/mwaka-huo-unaanza-kusogea-unaendelea-kuishi-kwenye-penzi-la-giza"><div style="text-align: left;">
 
</div>
</a><a class="xj_expandable" href="http://www.globalpublishers.info/profiles/blogs/mwaka-huo-unaanza-kusogea-unaendelea-kuishi-kwenye-penzi-la-giza"></a><a href="http://api.ning.com/files/eHhH0wF8G5Dj3SAB3-x933J7pd2r3ZsYP-LxzreX2CK6O2Ac7qkP5TF2epk2XFagCKE64hxVKrGma1mdep3FoQtQecgQlLEI/COUPLESEXfacebook.jpg" target="_self"><img class="align-center" src="http://api.ning.com/files/eHhH0wF8G5Dj3SAB3-x933J7pd2r3ZsYP-LxzreX2CK6O2Ac7qkP5TF2epk2XFagCKE64hxVKrGma1mdep3FoQtQecgQlLEI/COUPLESEXfacebook.jpg?width=650" width="650" /></a>WIKI iliyopita tuliianza mada hii ambayo inatufundisha juu ya umuhimu wa kujitambua kupitia makosa tuliyoyapitia, leo tunaimalizia. 
Hakuna sababu ya kuishi katika penzi ambalo halina muelekeo mzuri wa baadaye kama ulivyoishi mwaka jana, ni bora kujiengua na kusubiri kumpata yule atakayetambua thamani ya penzi lako na kupanga mipango endelevu. 
Kwa wale tuliokuwa pamoja, tuliishia kwenye kipengele cha TATIZO SUGU. Nilieleza namna ambavyo ulikuwa na tatizo sugu mwaka jana, mwaka huu uliepuke. Endelea... 
Ifike wakati uamue moja, tatueni tatizo katika njia stahiki na kama inashindikana basi si vibaya kila mmoja akaanza kuangalia ustarabu mwingine. Kama mligombana kiasi cha kutosalimiana au kutoheshimiana, mwaka huu uwe na mabadiliko katika tatizo lako sugu, malizana nalo mapema. Usikubali mwaka huu uwe wa majaribio kama ilivyokuwa miaka mingine. Kama inawezekana, malizeni kikwazo ili muweze kutazama hatua nyingine ya penzi lenu na kama haiwezekani basi bora mkasitisha safari yenu. 
WEKENI MALENGO Kama nilivyotangulia kueleza, hakuna kitu kinachofanikiwa bila ya kukiwekea malengo. Ukishakuwa umetafakari juu ya mtu uliyenaye na kuona ni sahihi au si sahihi basi ni wakati wako sasa kuanza kujiwekea malengo mapya kwa mwaka huu. 
<a href="http://api.ning.com/files/eHhH0wF8G5B6SGzbs1*dzxp230qdnYT2tlziuQhyWcn1KcwOSc94lEeDc2qZrXLGLh77NhpNSX8k*3CbqAaNIzYrSQc-O5rX/SignsOfAnUnhappyMarriage.jpg" target="_self"><img class="align-center" src="http://api.ning.com/files/eHhH0wF8G5B6SGzbs1*dzxp230qdnYT2tlziuQhyWcn1KcwOSc94lEeDc2qZrXLGLh77NhpNSX8k*3CbqAaNIzYrSQc-O5rX/SignsOfAnUnhappyMarriage.jpg?width=650" width="650" /></a>Kama uliye naye umeshamtafakari na kuona mnaendana, basi ni vizuri mkaanza kuzungumzia malengo ya penzi lenu. Kama mmeshadumu kwenye uhusiano kwa muda mrefu, jadilini kuhusu ‘future’ ya penzi lenu. Wekeni malengo kwamba, ndani ya mwaka huu lazima tuwe tumefanikisha jambo fulani. Muweke malengo na  myatekeleze kweli.  Msikubali yapotelee hewani, tafuteni njia ya kuyafanikisha. Kama ni kuvalishana pete, mvalishane. 
Kama ni suala la ndoa basi lazima mjue lina taratibu gani. Mjue njia za kupita ili muweze kutimiza mahitaji yote ya ndoa katika wakati ambao mmejipangia. 
FANYA MAAMUZI MAGUMU Kama uliyenaye unaona hamfanani, haendani na falsafa ya maisha yako, usiogope kuchukua maamuzi magumu. Ni bora ukaamua kuachana naye ili ubaki huru na kusubiri au kutafuta mtu ambaye ni sahihi kwako. Usikurupuke kumtafuta mwingine. Tafakari kwa kina kabla ya kufanya maamuzi. Mshirikishe Mungu katika malengo yako. Muombe akusaidie ili uweze kuyafanikisha. Kama umeamua kwa dhati kutafuta mwenzi wa maisha basi kwa imani yako muombe akuoneshe. Umuone katika macho ya kawaida na hata ya kiroho. 
JIFUNZE KUPITIA ULIKOTOKA Jifunze kupitia aina ya maisha uliyopitia awali. Kama ulikuwa mtu wa kutotulia, jisahihishe na uanze safari mpya. Usijutie kuhusu maisha uliyoyapitia bali angalia kule unapokwenda. Hakikisha unajipangia mwisho mzuri ili mapito yako yabaki kuwa historia na kuwa somo kwa wengine. 
JENGA PICHA YA MBALI Ili uweze kufikia malengo yako, jenga picha ya mbali na si kutazama karibu. Vuta picha ya ndoa unayotaka kuifunga. Vuta picha ya aina ya familia ambayo unataka kuishi. Jiwekee picha ya familia bora yenye watoto wenye nidhamu, wenye maadili na mtakaoweza kuwasomesha katika shule nzuri. 
Ukijiwekea malengo ya mbali na makubwa, hakika utachakarika ili uweze kuyatimiza. Utaweza kujifunza kupitia kwa mifano ya watu mbalimbali waliokutangulia, ukachuja na kupata uelekeo mzuri wa kufanikisha kile ulichokifikiria.

MWAKA HUO UNAANZA KUSOGEA, UNAENDELEA KUISHI KWENYE PENZI LA GIZA?

WIKI iliyopita tuliianza mada hii ambayo inatufundisha juu ya umuhimu wa kujitambua kupitia makosa tuliyoyapitia, leo tunaimalizia. Hak...

11:44 AM

RAIS DK KIKWETE KATIKA SHEREHE ZA MIAKA 51 YA MAPINDUZI ZANZIBAR LEO

<a class="xj_expandable" href="http://www.globalpublishers.info/profiles/blogs/rais-dk-kikwete-katika-sherehe-za-miaka-51-ya-mapinduzi-zanzibar"><div style="text-align: left;">
 
</div>
</a><div style="text-align: center;">
<a class="xj_expandable" href="http://www.globalpublishers.info/profiles/blogs/rais-dk-kikwete-katika-sherehe-za-miaka-51-ya-mapinduzi-zanzibar"></a><a href="http://www.fullshangweblog.com/wp-content/uploads/2015/01/unnamed510.jpg"><img alt="unnamed5" height="441" src="http://www.fullshangweblog.com/wp-content/uploads/2015/01/unnamed510.jpg" width="578" /></a>Rais wa Jamhuri ya Muungano ya Tanzania Mh.Dr. Jakaya Kikwete akisalimiana na Rais wa Serikali ya Mapinduzi Zanzibar (SMZ) Mh. Dr. Ali Mohammed Shein. 
<a href="http://www.fullshangweblog.com/wp-content/uploads/2015/01/unnamed67.jpg"><img alt="unnamed6" height="368" src="http://www.fullshangweblog.com/wp-content/uploads/2015/01/unnamed67.jpg" width="578" /></a><a href="http://www.fullshangweblog.com/wp-content/uploads/2015/01/unnamed119.jpg"></a> 
Rais wa Jamhuri ya Muungano ya Tanzania Mh.Dr. Jakaya Kikwete akizungumza na Rais wa Serikali ya Mapinduzi Zanzibar (SMZ) Mh. Dr. Ali Mohammed Shein. 
<a href="http://www.fullshangweblog.com/wp-content/uploads/2015/01/unnamed1h.jpg"><img alt="unnamed1h" height="385" src="http://www.fullshangweblog.com/wp-content/uploads/2015/01/unnamed1h.jpg" width="578" /></a> 
Rais wa zanzibar na Mwenyekiti wa Baraza la Mapinduzi Zanzibar Dk.Ali Mohamed Shein akiwapungia Mkono wananchi wakati alipowasili katika uwanja wa Amaan Studium Mjini Unguja katika kilele cha Sherehe za miaka 51 ya Mapinduzi Matukufu ya Zanzibar yaliyofanyika leo. 
<a href="http://www.fullshangweblog.com/wp-content/uploads/2015/01/unnamed2h.jpg"><img alt="unnamed2h" height="386" src="http://www.fullshangweblog.com/wp-content/uploads/2015/01/unnamed2h.jpg" width="579" /></a> 
Rais wa zanzibar na Mwenyekiti wa Baraza la Mapinduzi Zanzibar Dk.Ali Mohamed Shein akikagua gwaride la vikosi vya ulinzi na usalama leo wakati wa Sherehe za miaka 51 ya Mapinduzi Matukufu ya Zanzibar akifuatana na Paredi Kamanda Luteni kanali Mohamed Khamis Adam katika uwanja wa Amaan Studium Mjini Unguja. 
<a href="http://www.fullshangweblog.com/wp-content/uploads/2015/01/unnamed119.jpg"><img alt="unnamed1" height="399" src="http://www.fullshangweblog.com/wp-content/uploads/2015/01/unnamed119.jpg" width="578" /></a> 
Rais wa Jamhuri ya Muungano ya Tanzania Mh. Dr. Jakaya Kikwete akisalimiana na Rais Mstaafu Mh Benjamin Mkapa wakati wa maadhimisho ya sherehe za miaka 51 ya Mapinduzi Zanzibar zilizofanyika kwenye uwanja wa Amani, Katikati ni mama Fatma Karume na Waziri Mkuu mstaafu Salim Ahmed Salim. 
<a href="http://www.fullshangweblog.com/wp-content/uploads/2015/01/unnamed213.jpg"><img alt="unnamed2" height="530" src="http://www.fullshangweblog.com/wp-content/uploads/2015/01/unnamed213.jpg" width="578" /></a> 
Rais wa Jamhuri ya Muungano ya Tanzania Mh.Dr. Jakaya Kikwete akisalimiana na Makamu wa Kwanza wa Rais wa Serikali ya Mapinduzi ya Zanzibar Maalim Seif Sharif Hamad katikati ni Waziri Kiongozi Mstaafu wa Zanzibar Mh. Shamsi Vuai Nahodha. 
<a href="http://www.fullshangweblog.com/wp-content/uploads/2015/01/unnamed312.jpg"><img alt="unnamed3" height="430" src="http://www.fullshangweblog.com/wp-content/uploads/2015/01/unnamed312.jpg" width="578" /></a> 
Rais wa Jamhuri ya Muungano ya Tanzania Mh.Dr. Jakaya Kikwete akisalimiana na Rais Mstaafu Mzee Ali Hassani Mwinyi. 
<a href="http://www.fullshangweblog.com/wp-content/uploads/2015/01/unnamed411.jpg"><img alt="unnamed4" height="435" src="http://www.fullshangweblog.com/wp-content/uploads/2015/01/unnamed411.jpg" width="579" /></a> 
Rais wa Jamhuri ya Muungano ya Tanzania Mh.Dr. Jakaya Kikwete akizungumza na Mkuu wa Majeshi Jenerali Davis Mwamunyange wakati wa maadhimisho hayo mjini Zanzibar leo. 
<a href="http://www.fullshangweblog.com/wp-content/uploads/2015/01/unnamed4h.jpg"><img alt="unnamed4h" height="385" src="http://www.fullshangweblog.com/wp-content/uploads/2015/01/unnamed4h.jpg" width="578" /></a> 
Wananchi mbali mbali waliohudhuria katika sherehe za kilele cha miaka 51 ya Mapinduzi Matukufu ya Zanzibar wakimasikiliza Rais wa Zanzibar na Mwenyekiti wa Baraza la Mapinduzi Zanzibar Dk.Ali Mohamed Shein alipokuwa akitoa hutuba yake leo katika kilele hicho Uwanja wa Amaan Studium Mjini Unguja. 
<a href="http://www.fullshangweblog.com/wp-content/uploads/2015/01/unnamed7h.jpg"><img alt="unnamed7h" height="385" src="http://www.fullshangweblog.com/wp-content/uploads/2015/01/unnamed7h.jpg" width="578" /></a> 
Rais wa Zanzibar na Mwenyekiti wa Baraza la Mapinduzi Zanzibar Dk.Ali Mohamed Shein akitoa hutuba yake wakati wa Kilele cha Maadhimisho ya sherehe za miaka 51 ya Mapinduzi ya Zanzibar zilizofanyika leo katikauwanja wa Amaan Studium Mjini Unguja. 
(Picha na Freddy Maro wa Ikulu).</div>

RAIS DK KIKWETE KATIKA SHEREHE ZA MIAKA 51 YA MAPINDUZI ZANZIBAR LEO

Rais wa Jamhuri ya Muungano ya Tanzania Mh.Dr. Jakaya Kikwete akisalimiana na Rais wa Serikali ya Mapinduzi Zanzibar (SMZ) Mh. Dr. Ali ...

10:02 PM

PANYA ROAD WALISIMAMISHA JIJI, DAR SI SALAMA

<a class="xj_expandable" href="http://www.globalpublishers.info/profiles/blogs/panya-road"><div style="text-align: left;">
 
</div>
</a><a class="xj_expandable" href="http://www.globalpublishers.info/profiles/blogs/panya-road"></a><a href="http://api.ning.com/files/RjUGj58MiaHwaVLvQvWm154HZCehwKc3sUWSL8gbB5WGV0icOF-CP87KbuAxOuTfUaTBx03hE*lgtLbtQP9VvurWRb2NoOlo/PANYA.jpg" target="_self"><img class="align-center" src="http://api.ning.com/files/RjUGj58MiaHwaVLvQvWm154HZCehwKc3sUWSL8gbB5WGV0icOF-CP87KbuAxOuTfUaTBx03hE*lgtLbtQP9VvurWRb2NoOlo/PANYA.jpg" width="650" /></a>Stori: Mwandishi Wetu ACHENI jamani! Vurugu tuzisikie tu kwa wenzetu! Kitendo cha vijana wachache wasio na maadili wanaojiita Panya Road kufanya fujo kidogo katika baadhi ya maeneo ya Jiji la Dar, wakazi wa jiji hilo wamekitafsiri kitendo hicho na kusema Dar sasa si sehemu salama tena ya kuishi, Ijumaa Wikienda lina ripoti kamili.<a href="http://api.ning.com/files/RjUGj58MiaHF9AuwKYPfqzU7wXgD9v1CEHM9*KIcDDXnoOu6YzOvqdolZNdmS7XkwGoYqOROrRv5GJHUHNQaeMeU9PvtHju7/PANYA2.jpg" target="_self"><img class="align-center" src="http://api.ning.com/files/RjUGj58MiaHF9AuwKYPfqzU7wXgD9v1CEHM9*KIcDDXnoOu6YzOvqdolZNdmS7XkwGoYqOROrRv5GJHUHNQaeMeU9PvtHju7/PANYA2.jpg?width=650" width="650" /></a> 
<div style="text-align: center;">
Kamanda wa Polisi Kanda Maalum ya Dar es Salaam, Suleiman Kova akionyesha picha ya baadhi ya wahalifu wa matukio ya uporaji.</div>
Tukio hilo lililodumu kwa takriban saa nne na kusimamisha jiji, lilitokea usiku wa Ijumaa iliyopita ambapo awali, taarifa zilianza kusambaa kama moto wa kifuu kuanzia saa 12:00 jioni na kushika kasi zaidi majira ya saa 2:00 usiku, hali iliyosababisha wakazi wote wa Dar wakose amani kutokana na hali hiyo ya sintofahamu. 
<div style="text-align: left;">
KILIVYONUKA IJUMAA Siku hiyo, uvumi uliibuka kupitia mitandao ya kijamii ikiwemo Facebook, Twitter na Instagram kuwa vijana hao wameanzisha oparesheni maalum katika maeneo ya Magomeni-Kagera, Sinza, Tabata, Kijitonyama, Kimara, Mwananyamala, Kinondoni, Tegeta, Manzese, Ubungo, Kigogo, Tabata, Temeke, Gongo la Mboto na Buguruni na kusababisha taharuki kwa wakazi wake.</div>
<div style="text-align: center;">
<a href="http://api.ning.com/files/RjUGj58MiaEKG2f8zzhrB3E*uYsbPlGLdv29ayzQamSwByL0pzHKdEzZIaAmLkUCHKV5S5JTrqloQtiKWksqLhNWuFS5UXug/11.jpg" target="_self"><img class="align-center" src="http://api.ning.com/files/RjUGj58MiaEKG2f8zzhrB3E*uYsbPlGLdv29ayzQamSwByL0pzHKdEzZIaAmLkUCHKV5S5JTrqloQtiKWksqLhNWuFS5UXug/11.jpg" width="650" /></a>Sehemu ya jiji la Dar ikiwa tulivu kuhofia uhalifu wa 'Panya Road'.</div>
MADUKA, BAA ZAFUNGWA Kutokana na uvumi huo kukua kwa kasi, wafanyabiashara walifunga maduka yao mapema huku watu wakihamasishana kurudi majumbani na kutowasha taa kwa ajili ya usalama wao. Akizungumzia tukio hilo, mkazi mmoja wa Legho, Ubungo jijini Dar, alisema mtaani kwao watu walizima taa kutokana na tahadhari hiyo huku kila  mmoja akimuomba Mungu, Panya Road wasiwafikie. 
<div style="text-align: left;">
TUJIUNGE NAYE “Nilikuwa natoka ‘home’ nawafuata washikaji zangu maeneo ya Sinza, Mapambano, hatua chache kutoka nyumbani nikakutana na kundi la watu wanarudi majumbani, wakasema Panya Road wanakuja turudi ndani na kuzima taa.</div>
<div style="text-align: center;">
<a href="http://api.ning.com/files/RjUGj58MiaHmX0bARPWs4ZP97058q3IcrZ8HDnT1M8xPxKtnPO8swTBPlrah-LJ-PTeMfWxVrnEwDZ*qO1a2m6uoxRpOJCKJ/panyaroad.jpg" target="_self"><img class="align-center" src="http://api.ning.com/files/RjUGj58MiaHmX0bARPWs4ZP97058q3IcrZ8HDnT1M8xPxKtnPO8swTBPlrah-LJ-PTeMfWxVrnEwDZ*qO1a2m6uoxRpOJCKJ/panyaroad.jpg?width=650" width="650" /></a>Baadhi ya wahalifu wa matukio ya uporaji.</div>
“Pasipo kuhoji, nikarudi na kuzima kila kitu ndani hadi simu iliyokuwa ikitoa mwanga nikaiweka chini ya kochi,” alisema mkazi huyo wa Legho. 
<div style="text-align: left;">
WANAUME WARUDI MAPEMA Akizungumzia tukio hilo, mama mmoja aliyejitambulisha kwa jina la Pendo, mkazi wa Sinza-Mori, Dar alisema licha ya tukio hilo kuzua taharuki kubwa, anamshukuru Mungu siku hiyo mumewe alirudi nyumbani mapema na kuwakumbatia wanaye jambo ambalo huwa halifanyi. “Panya Road kwa upande mwingine wamesaidia jamani, nimekuwa nikimhimiza mume wangu kuwahi kurudi lakini leo (Ijumaa) amerudi mwenyewe mapema,” alisema Pendo.</div>
<div style="text-align: center;">
<a href="http://api.ning.com/files/RjUGj58MiaEgP9-loqxLJwgil9wzrlqQNWrKEzhth0vJMfmOpRl9EiicUC6TYkgbsboR9Ajn9p2fnLvZq190O5ZylZpvccnH/panyaroadpolisi.jpg" target="_self"><img class="align-center" src="http://api.ning.com/files/RjUGj58MiaEgP9-loqxLJwgil9wzrlqQNWrKEzhth0vJMfmOpRl9EiicUC6TYkgbsboR9Ajn9p2fnLvZq190O5ZylZpvccnH/panyaroadpolisi.jpg?width=650" width="650" /></a>Makamanda wa Polisi wakiimarisha ulinzi dhidi ya vitendo vya uporaji na unyang'anyi.</div>
WATU WAKIMBIA HOVYO Ijumaa Wikienda lilizungumza na wakazi mbalimbali wa jijini ambao walieleza namna ambavyo karibu kila kona watu walikuwa wakikimbia hovyo kwa kuibuka kwa taarifa kwamba Panya Road wako kwenye Bajaj wanakaribia maeneo yao. 
“Tunatishana kweli, nilikuwa hapa Baa ya Kimboka, Buguruni watu wanasema Panya Road wanakuja, watu wamekimbia, wameacha simu zao, wengine wamekimbia bila kulipa bili, vurugu tupu lakini hatujawaona hao Panya Road,” alisema Ernest, mkazi wa Buguruni, Dar. 
WAHUDUMU BAA WAGOMA KULIPWA, WALEVI WAACHA BIA MEZANI Katika baa moja maarufu iliyopo Mlimani City, Dar ilishangaza kwani wakati wa mshikemshike huo wa Panya Road kwamba wanaelekea kuingia ndani, baadhi ya wahudumu waligoma kupoteza muda kwa kupokea fedha za bili badala yake walikuwa wakiwaomba wateja waondoke ili na wao wajiokoe. 
<div style="text-align: left;">
Kama vile haitoshi, wateja walevi waliokuwa wameshaanza ‘kuwaka’ kwa bia za wikiendi, waliacha vinywaji vyao juu ya meza na kutimua kuwaogopa hao Panya Road ambapo habari zilisikika kuwa wana mapanga, visu na wapo pia wenye bunduki.</div>
<div style="text-align: center;">
<a href="http://api.ning.com/files/RjUGj58MiaFFDZ3fb*dw*Bc5qMp-qq0w7XLy6t73apX1O4Iyaoc5MqYNVzeZI*IurAFd4qXIHTKeES-3yIlZ-yJ7m7TfjXum/panyaroadpolisiiqq.jpg" target="_self"><img class="align-center" src="http://api.ning.com/files/RjUGj58MiaFFDZ3fb*dw*Bc5qMp-qq0w7XLy6t73apX1O4Iyaoc5MqYNVzeZI*IurAFd4qXIHTKeES-3yIlZ-yJ7m7TfjXum/panyaroadpolisiiqq.jpg" width="650" /></a>Raia wakishuhudia ulinzi ukiimarishwa na makamanda wa Polisi.</div>
KAMANDA APASUA JIPU Kamanda wa Polisi Kanda Maalum ya Dar es Salaam, Suleiman Kova alizungumza na wananchi usiku huohuo laivu kupitia Televisheni ya Taifa, TBC1 na ITV na kufafanua ukweli kuhusiana na kundi hilo. “Tumepata taarifa za kundi hilo (Panya Road) inasemekana kuwa kundi la wahalifu hao lina tabia ya kulipiza kisasi. Aaa! Jana (Alhamisi) kuna mwenzao mmoja anadaiwa aliuawa na wananchi wenye hasira kali sasa baada ya kumzika mwenzao (Mohamed Ayub) maeneo ya Kihatu Kagera Mikoroshini (Dar), waliahidi kulipiza kisasi. 
“Tulipata taarifa hizo mapema, vijana wetu wakaenda mpaka makaburini na kufanikiwa kukamata vijana wawili. “Ile milio ya mabomu ni polisi walilazimika kutumia silaha hizo ili kuwatawanya vijana wengine. Tumetuma difenda za kutosha kila sehemu,” alisema Kamanda Kova huku akiwataka wananchi kuwa na amani kwani polisi wametawanywa kila kona ya jiji ili kuwalinda. 
POLISI WAPONGEZWA Wakati hofu ya Panya Road ikituliatulia, baadhi ya wakazi wa Jiji la Dar wamelipongeza jeshi la polisi kwa jinsi walivyopambana na vijana hao ili kurejesha amani na kuhakikisha ulinzi unakuwepo. “Tunalishukuru sana jeshi la polisi, hawakuchelewa, ndani ya muda mfupi walikuwa wapo kila mahali wakilinda usalama,” alisema John, mkazi wa Tandale. 
PANYA ROAD NI NINI? Panya Road ni kundi lililoibuka miaka miwili iliyopita ambapo linawahusisha vijana wasio na kazi katika Jiji la Dar ambao hujikusanya mitaani na kuwashurutisha watu kwa silaha za jadi kusalimisha mali zao kwao. 
Mbali na Panya Road, makundi mengine ambayo ni tishio jijini Dar ni Mbwa Mwitu na Watoto wa Mbwa. Kuna wakati wananchi waliamua kuchukua jukumu la kuwachoma moto hadharani vijana hao pale wanapokamatwa katika uhalifu, kwa mbali walipotea, huenda sasa wamerejea. 
WANAZURURA MCHANA NA USIKU Imeelezwa kuwa, kazi hiyo ya uporaji wamekuwa wakiifanya mchana na wakati mwingine usiku pasipo kuwa na hofu ya kutiwa nguvuni na Jeshi la Polisi Tanzania. 
PANYA ROAD 36 WATIWA NGUVUNI Baada ya siku ya tukio kupita, kesho yake, Jeshi la Polisi lilitoa taarifa rasmi kuhusu matukio hayo na kueleza kwamba tayari vijana 36 walikuwa wakishikiliwa na jeshi hilo na kwamba taratibu za kipolisi zilikuwa zinaendelea ili kuwafikisha watuhumiwa wote mahakamani. 
ULINZI NI JUKUMU LA KILA MTU Vikundi hivi vinavyoibuka na kufanya vurugu mitaani ni vijana wetu ambao tunawafahamu hivyo ni vyema wananchi tukashirikiana na jeshi la polisi kuhakikisha tunawakamata na kuwafikisha kwenye mikono ya sheria ili kulinda amani-Mhariri.

PANYA ROAD WALISIMAMISHA JIJI, DAR SI SALAMA

Stori: Mwandishi Wetu ACHENI jamani! Vurugu tuzisikie tu kwa wenzetu! Kitendo cha vijana wachache wasio na maadili wanaojiita Panya Road...

8:45 AM